Ommaviy oferta

bioboxshop.uz internet-do'konida tovarlarni chakana sotish bo'yicha ommaviy oferta

Tahrir sanasi: 19.10.2026

1. Umumiy qoidalar

Ushbu hujjat BIOBOX (STIR: 587851156, JShShIR: 25209005740034) internet-do'koni (keyingi o'rinlarda — «Sotuvchi») tomonidan e'lon qilingan ommaviy oferta, ya'ni tovarlarni masofadan sotish shartnomasini tuzish bo'yicha rasmiy taklif hisoblanadi.
Oferta https://bioboxshop.uz sayti (keyingi o'rinlarda — «Sayt») orqali tovar buyurtma qiluvchi har qanday jismoniy shaxsga (keyingi o'rinlarda — «Xaridor») qaratilgan.
Xaridor Saytda buyurtmani rasmiylashtirib, telefon raqamini SMS-kod orqali tasdiqlagan paytdan boshlab ofertani to'liq va so'zsiz qabul qilgan hisoblanadi. SMS-kod orqali tasdiqlash Xaridorning elektron imzosi sifatida tan olinadi. Telefon yoki Telegram orqali berilgan buyurtmada oferta operator buyurtmani tasdiqlagan paytdan qabul qilingan hisoblanadi.
«Qaytarish siyosati» va «Maxfiylik siyosati» sahifalari ushbu ofertaning ajralmas qismi hisoblanadi.
Sotuvchi ofertani o'zgartirishi mumkin. O'zgarishlar Saytda e'lon qilingan kundan kuchga kiradi va avval rasmiylashtirilgan buyurtmalarga tatbiq etilmaydi.

Saytda biologik faol qo'shimchalar (BAA), vitaminlar, minerallar, sport ozuqasi va sog'lom turmush tarziga oid boshqa tovarlar sotiladi. BAA dori vositasi emas va kasalliklarni tashxislash yoki davolash uchun mo'ljallanmagan.
Tovar tavsifi, tarkibi va qo'llash tavsiyalari ishlab chiqaruvchi ma'lumotlari asosida keltiriladi. Ishlab chiqaruvchi qadoq dizaynini yangilashi sababli tovar rasmi uning haqiqiy ko'rinishidan farq qilishi mumkin; bunda tovar tarkibi va xususiyatlari o'zgarmaydi.
Tovarning to'liq ma'lumoti (ishlab chiqaruvchi, import qiluvchi, tarkib, yaroqlilik muddati, saqlash shartlari) qadoqda yoki unga ilova qilingan yorliqda beriladi.
Xaridor tovarni qabul qilishdan oldin yorliqdagi qarshi ko'rsatmalar bilan tanishishi lozim. Homiladorlik, emizish, surunkali kasallik yoki dori qabul qilish holatlarida shifokor bilan maslahatlashish tavsiya etiladi.

Buyurtmalar Sayt orqali kecha-kunduz, telefon va Telegram orqali esa ish vaqtida (har kuni 08:00–04:00) qabul qilinadi.
Sotuvchi operatori tovar mavjudligi, narxi, manzili va yetkazish vaqtini aniqlashtirish uchun Xaridor bilan bog'lanadi.
Buyurtma qilingan tovar omborda qolmagan bo'lsa, Sotuvchi Xaridorga xabar beradi va o'xshash tovar taklif qiladi yoki buyurtmani bekor qiladi. Oldindan to'langan summa 3 ish kuni ichida to'liq qaytariladi.
Xaridor tovar topshirilgunga qadar buyurtmani istalgan vaqtda bepul bekor qilishi mumkin.

Tovar narxi Saytda O'zbekiston so'mida ko'rsatiladi. Rasmiylashtirilgan buyurtma narxi keyinchalik o'zgarmaydi.
Toshkent shahri bo'ylab to'lov tovar kuryerdan qabul qilinib, tekshirilgandan keyin naqd pul yoki bank kartasi orqali amalga oshiriladi.
Viloyatlarga yuboriladigan buyurtmalar uchun to'lov oldindan (bank kartasi, Paynet yoki Saytda ko'rsatilgan boshqa usul orqali) amalga oshiriladi. Buyurtma to'lov tushgandan keyin jo'natiladi.
Tovar narxi to'lov usuliga bog'liq emas.
Sotuvchi har bir xarid uchun chek beradi.

Toshkent shahri bo'ylab yetkazish Sotuvchi kuryeri orqali odatda 1 ish kuni, viloyatlarga BTS pochta xizmati orqali 2–4 ish kuni ichida amalga oshiriladi. Muddat ob-havo, bayram kunlari yoki pochta xizmati ishiga qarab o'zgarishi mumkin; bunda Xaridorga oldindan xabar beriladi.
600 000 so'm va undan ortiq buyurtmalar O'zbekiston bo'ylab bepul yetkaziladi. Boshqa buyurtmalar uchun yetkazish narxi buyurtmani rasmiylashtirishda ko'rsatiladi.
Tovar Xaridorga yoki buyurtmada ko'rsatilgan shaxsga topshirilgan paytdan boshlab tovarga egalik huquqi va tasodifiy nobud bo'lish xavfi Xaridorga o'tadi.

Xaridor tovarni qabul qilishda tekshirish huquqiga ega: qadoq va plomba butunligi, tovar nomi, miqdori va yaroqlilik muddati. Toshkentda tekshiruv kuryer ishtirokida, to'lovdan oldin o'tkaziladi. Viloyatlarda posilka BTS bo'limida olinayotganda tekshiriladi; kamchilik aniqlansa, Xaridor uni darhol rasm bilan Sotuvchiga xabar qiladi.
Tovar buyurtmaga mos kelmasa, nuqsonli yoki yaroqlilik muddati o'tgan bo'lsa, Xaridor uni qabul qilmasligi mumkin. Bu holda to'lov olinmaydi yoki to'liq qaytariladi.
Tovarni qabul qilgan Xaridor tashqi ko'rinish, butlik va miqdor bo'yicha e'tirozi yo'qligini tasdiqlagan hisoblanadi. Yashirin nuqsonlar bo'yicha talablar «Qaytarish siyosati»da belgilangan tartibda ko'rib chiqiladi.

Qaytarish, almashtirish va pulni qaytarish shartlari «Qaytarish siyosati» sahifasida belgilangan.

Sotuvchi tovar sifati uchun O'zbekiston Respublikasi qonunchiligiga muvofiq javob beradi.
Sotuvchi tovarni yorliqdagi tavsiyalarga zid ravishda qo'llash, noto'g'ri saqlash yoki qarshi ko'rsatmalarga qaramay qabul qilish oqibatlari uchun javobgar emas.
Xaridor noto'g'ri manzil yoki telefon raqamini ko'rsatgani sababli yuzaga kelgan kechikish uchun Sotuvchi javobgar emas.
Tomonlar fors-major holatlari (tabiiy ofat, davlat organlari qarorlari, aloqa tarmoqlaridagi uzilishlar va boshqalar) tufayli majburiyatlarni bajarmaganlik uchun javobgar emas.

Xaridor ofertani qabul qilish orqali o'z shaxsiy ma'lumotlarini «Maxfiylik siyosati»da ko'rsatilgan maqsadlarda qayta ishlashga rozilik beradi.

Nizolar avvalo muzokara yo'li bilan hal qilinadi. Xaridor shikoyatini telefon yoki Telegram orqali yuboradi; Sotuvchi 1 ish kuni ichida qabul qilinganini tasdiqlaydi va uni qonunchilikda belgilangan muddatda ko'rib chiqadi.
Kelishuvga erishilmasa, Xaridor iste'molchilar huquqlarini himoya qilish bo'yicha vakolatli davlat organiga yoki qonunchilikka muvofiq sudga murojaat qilishi mumkin.